ခွင့်တင်ခြင်း

ခုတစ်လော အလုပ်ပဲရှူပ်တာလား..အရှူပ်တွေပဲ လုပ်နေမိတာလားတော့ မသိပါဘူး။ ကျွန်မရဲ့ နေ့တွေတိုင်းမှာ အသက်ရှူကျပ်လောက်အောင် လုပ်စရာ ၀န်တွေပိနေတတ်ပါတယ်။ အွန်လိုင်းကိုလည်း တက်ဖို့ အချိန်မရသလို သူငယ်ချင်းတွေကိုလည်း နေကောင်းရဲ့လားတစ်ခွန်းတောင် မမေးဖြစ်တာတော်တော်ကြာခဲ့ပါပြီ။ ရင်ဖွင့်ဖော်လေးကိုတော့ ပစ်ထားမိသလိုကို ဖြစ်နေတာပါ။ စာတွေလည်း လိုက်မဖတ်နိုင်သလို ရေးလည်းမရေးဖြစ်ဘူးလေ။

အလုပ်ရှူပ်ရတဲ့အကြောင်းလား??? အများကြီးပါ။ အဓိကကတော့ ကိုယ့်အတွက် အရေးကြီးတဲ့ အသက်မွေးဝမ်းကြောင်းအလုပ်မှာ ပြဿနာလေးနည်းနည်းရှိနေသလို အမေ့ရင်ခွင်မှာ ခဏပြန်နားချင်လို့ ပြင်ဆင်နေတာလည်းပါပါတယ်။ ဟုတ်ပါတယ်..ကျွန်မ အိမ်ပြန်ရတော့မယ်။ ခွင့်တစ်လနဲ့ မိသားစုအိမ်လေးမှာ နားခိုခွင့် ရတော့မှာပါ။ အတိုင်းအဆမရှိ ပျော်သလို ၀မ်းလည်းသာပါတယ်။ တစ်ခုပဲ။ ရင်ဖွင့်ဖော်လေးကိုတော့ မလာနိုင်တော့ဘူးပေါ့လေ။ ရင်ဖွင့်ဖော်က သူငယ်ချင်းများကို တစ်လခွင့်တင်ပါတယ်ရှင်။ ကျွန်မ ဒီည လေယာဉ်နဲ့ မြန်မာပြည်ပြန်လိုက်ဦးမယ်။ လိုချင်တာရှိရင် လှမ်းမှာနော်..:)

ငါ့ရဲ့ သမိုင်းကြောင်း

မိသားစုက ငါးယောက်
တိုင်ကီက အဖုံးပေါက်
လူတကာတွေ မျက်စိနောက်

အဖေက စိတ်မြန်
အမေက အထနှေး
ပေါင်းဆုံမိတော့
ကလေးသုံးယောက်မွေး

အကြီးဆုံးက အပျိုကြီးမမ
ဆူဆဲမိက ငိုပြီးချရ

အငယ်ဆုံးက မောင်တစ်ကောင်
လွယ်အိတ်တစ်လုံးနဲ့ သူဖွန်ကြောင်

အလတ်မက ကတ်ဖဲ့ငါ
ဂွတိုက်တဲ့နေရာ နှစ်ယောက်မရှိပါ

မိသားစုက ငါးယောက်
ပေါင်းမိတော့ အရပ်ဂေါက်
နေတာက ဒဂုံမြောက်
လူတကာတွေ အကုန်ကြောက် ။

ထာဝရ ပုလဲငယ်

သိမ်မွေ့ နူးညံ့လို့
အပြစ်ကင်းစင်မှူနဲ့
ရွှန်းလဲ့လဲ့ မျက်ဝန်းလေး
သူတစ်ချက် ဝေ့အ၀ဲမှာ
ကိုယ့်အသည်း ကြွေလဲသွားရတာ
ယုံနိုင်စရာ မရှိလည်း
အိပ်မက်တော့ မဟုတ်လေဘူး..။

နီစွေးစွေးနဲ့ နှင်းဆီငုံ နှူတ်ခမ်းဖူးက
ပွင့်အာလာတဲ့ အပြုံးနုနု
ကိုယ့်ညတွေကို အပိုင်လု
အိပ်မရအောင် သူပြုစားထားခဲ့တာ
အဖြေရှာမရလည်း
ဝေဒနာညလို့တော့ မှတ်မထင်မိဘူး..။

ကိုယ့်အတွေးတွေကို သိမ်းပိုက်လို့
ကိုယ့်နှလုံးသားကို လွှမ်းမိုးနိုင်သူရယ်
မင်းကြည်ဖြူမယ်ဆို
နေထိနှင်းလို ကြွေငြိဆင်းသွားတဲ့
အရည်ပျော်အသည်းလေးကို
ဖြေဖျော်စရာ ပုလဲအဖြစ်မှတ်ယူလို့
မင်းလည်တိုင်နုနုမှာ ထာဝရရှင်သန်ခွင့်ပြုပါ ။

အားနာခြင်းများနဲ့ ကျွန်မ

အားနာခြင်းတဲ့... မြန်မာလူမျိုးတော်တော်များများ ဒီစကားလုံးနဲ့ ရင်းနှီးသလို ဒုက္ခတွေလည်းတွေ့ခဲ့ဖူးကြမှာပါ။ ကြည့်တော့ စကားလေးသုံးလုံးတည်းပေမယ့် တစ်ခါတစ်ရံတော့ သူ့အစွမ်းက မသေးသလို ပြဿနာတွေလည်း အလုံးအရင်းနဲ့ ဆောင်ယူလာတတ်ပြန်ပါသေးတယ်။ တစ်ခြားလူတွေတော့ ဘယ်လိုရှိမယ် မပြောတတ်ပေမယ့် ကျွန်မအတွက်တော့ သိတတ်စ အရွယ်ကတည်းက အားနာခြင်းများနဲ့ နပန်းလုံးနေခဲ့ဖူးပါတယ်။

မှတ်မှတ်ရရ ကျွန်မ သုံးတန်းတက်တဲ့နှစ်မှာ ကျွန်မရဲ့ အချစ်ဆုံးသူငယ်ချင်းလေးက ကောက်ကာငင်ကာ တုတ်ကွေးမိပြီး အပြင်းဖျားခဲ့ပါတယ်။ သူ တစ်ပတ်ကျော်လောက် ကျောင်းမတက်နိုင်ခဲ့ဘူး။ စာတွေလည်း အကုန်လွတ်ပေါ့။ ကျွန်မတတ်နိုင်သလောက် စာတွေကူးပေးခဲ့သလို သူလည်း ဆေး တော်တော်များများသောက်အပြီးမှာ နလန်ထခဲ့တယ်။ အဲ.. သူနေပြန်ကောင်းစ တစ်ညမှာတော့ သူ့အမေကြီး ကျွန်မအိမ်ကို ပေါက်ချလာပါတယ်။ အကြောင်းကတော့ လွတ်သွားတဲ့စာတွေအတွက် သူငယ်ချင်းကို ကူညီရှင်းပြပေးစေချင်လို့ လာခေါ်တာပါ။

သိတာမသိတာ အပထား ဖောရှောလုပ်ဖို့ဆို နှစ်ယောက်မရှိတဲ့ကျွန်မ ပုံမှန်ဆို ကပြီးတောင် လိုက်သွားမှာ။ ဒါပေမယ့် အန်တီကြီးလာခေါ်တဲ့အချိန်ကိုလည်း ကြည့်ပါဦး။ ညက ၈ နာရီကျော် ၊ မီးကပျက်၊ မိုးက သည်းကြီးမည်းကြီးရွာနေတဲ့အပြင် သိမ်ဖြူလမ်းရဲ့ထုံးစံအရ ရေကလည်း ခြေသလုံးတ၀က်လောက်ထိ တက်နေသေးတယ်။ ကျွန်မ အမေကတော့ တစ်ချက်လွှတ်အမိန့်ကို ခပ်တိုးတိုးကပ်ပြောပါတယ်။ လိုက်မသွားရဘူးတဲ့.. သူတောင် သူ့သမီးလေးကို မိုးမထိစေချင်လို့ ခေါ်မလာတာ သမီးကိုလည်း အမေ မလွှတ်နိုင်ပါဘူးတဲ့လေ။ အမှန်တော့ ကျွန်မလည်းမသွားချင်ဘူး။ မိုးကအရမ်းသည်းနေတဲ့အပြင် နောက်နေ့လည်း ကျောင်းကတက်ရဦးမယ်လေ။ တွေဝေစွာနဲ့ ဝေခွဲမရဖြစ်နေတဲ့ ကျွန်မကို အန်တီကြီးက ‘ကူညီပါ သမီးရယ်’ တဲ့…။

ကဲ… ပြောနေစရာတောင်လိုမယ် မထင်ဘူးနော်။ အားနာတတ်တဲ့ ကျွန်မ အားနာနာနဲ့ပဲ မိုးထဲလေထဲ အိမ်အရောက် စာသွားရှင်းပြပေးခဲ့ပါတယ်။ မီးကပျက်နေတော့ ဖယောင်းတိုင်အားကိုးနဲ့ပေါ့။ သင်္ချာ ပုစ္ဆာတွေကို ကိုယ်က အကြမ်းဖျဉ်းဆရာလုပ်၊ သူက ချတွက်နဲ့ ဟုတ်နေရာက ဘယ်ကဘယ်လိုဖြစ်တယ် မသိဘူး ..ကျွန်မ မှေးခနဲ ငိုက်သွားတယ်။ နှာခေါင်းဝကို တိုးဝင်လာတဲ့ ညှော်နံ့တစ်ခုကြောင့် ဆတ်ခနဲ လန့်အနိုးမှာ သိလိုက်တာက ငါတော့ သွားပြီဆိုတာပဲ။ ဟုတ်တယ်လေ။ နှစ်ယောက်ကြားမှာ ချထားတဲ့ ကိုရွှေဖယောင်းတိုင်မီးက တစ်ချက်အငိုက်မှာ ကျွန်မရဲ့ ဘောလုံးကေဆံပင်လေးကို ကောင်းကောင်းဖျက်ဆီးလိုက်ပြီ။ ကျွန်မ ဆံပင်ရှေ့တစ်ခြမ်း မီးကျွမ်းသွားပြီလေ။ ပြောင်စပ်စပ် ကိုယ့်ရုပ်ကိုယ် မှန်ထဲပြန်ကြည့်ပြီး ငိုရမလို ရီရမလို အီလည်လည်ကြီးနဲ့ အိမ်ကို ပြန်ရောက်ခဲ့ပါတယ်။ အမေက သူမသွားဖို့ ပြောရဲ့နဲ့ သွားပြီး ဖြစ်လာတာမို့ မသနားတဲ့အပြင် ဂရုဏာဒေါသနဲ့ ဆူပူနေပြန်သေးတယ်။ စိတ်ကြီးရယ် ညစ်လှချည်ရဲ့.. :( :(

မှတ်မှတ်ရရပါပဲ... အားနာဖို့ပဲ သိတဲ့ ကျွန်မ မိုးလေအရှိန်နဲ့ နောက်နေ့မှာ အပြင်းဖျားခဲ့သလို အဲဒီလ ဖြေတဲ့ စာမေးပွဲမှာလည်း သူငယ်ချင်းလေးထက် အဆင့်နိမ့်ခဲ့ပါတယ်...ကိုယ့်အပြစ်နဲ့ ကိုယ်ပဲမို့ မျက်နှာငယ်ငယ်နဲ့ အမေ့ကို ရီပို့ကတ်ပြရုံမှ တပါး အခြားမရှိပြီပေါ့လေ.. :( :( ။ ဒီလောက်နဲ့ မှတ်မယ်လို့တော့ မထင်နဲ့နော်.. ဒါက အစပဲရှိသေးတယ်.. လာဦးမည် ..ကြာဦးမည်..မျှော်.... :D ။

တိတ်တခိုး

တစ်နေ့တစ်ရက်
အတွေ့ခက်လျှင်
ကြားလေသွေးလို့
ဝေးမယ်ထင်...

စက္ကန့်မိနစ်
အားလပ်မိလျှင်
စိတ်အစဉ်က
သူ့ဆီနှင်..။

ပါးပြင်မို့မို့
နီမြန်းအောင်ပင်
ချစ်သူ့အကြောင်း
တွေးနေချင်..

ကြမ္မာဖန်လို့
ဝေးခဲ့ကြလျှင်
ထိုစိတ်နှင့်ပင်
ရူးမည်ထင်..

သည်မျှချစ်ကြောင်း
ဖွဲ့ဆိုသော်လျှင်
ဆိုင်သူမသိလို့

ခက်တယ်ရှင်..။

မာတာမိခင်

ဖေမေချစ်ခြင်း ပေါင်းကူးယှက်၍
သန္ဓေတည်လာ ရင်သွေးငယ်အား
မေတ္တာရေစင် သွန်းဖြန်းပက်ပြီး
အသက်ထက်ပင် မြတ်နိုးပါ၏။

ရင်နှစ်သည်းချာ ကလေးငယ်အား
မထိခိုက်အောင် ပူစပ်ရှောင်၍
စွမ်းကုန်ယုယ ချစ်ခင်မိသည်
သမီးငယ်လေး သိပါလေစ ။

ခက်ခဲပေါင်းစုံ ကျော်မြောက်လွန်၍
ကိုးလလွယ်ပြီး ဆယ်လဖွားသည်
မျက်နှာလေးမြင် သံကြားစဉ်ဝယ်
အမောဟူသမျှ လွင့်ပြယ်ပါ၏။

ဘေးလည်းမသီ ရန်မခအောင်
ဖ၀ါးနှစ်လုံး ခုံးနှစ်သစ်မှ
ပြုစုပျိုးထောင် စောင့်ရှောက်လာသည်
ပန်းဖူးငုံလေး ပွင့်အာသည်အထိ။

ပညာပြည့်စုံ တောင်လက်စုံ၍
မိဘကျေးဇူး ဆပ်ရန်ရွယ်ရည်
သမီးကလေး ဝေးထွက်သွားပြီ။

ရင်နှင့်မချိ ပူလောင်ရလည်း
အပူရုပ်ကို ဟန်လုပ်ပါ၍
နှစ်သိမ့်အားပေး လမ်းညွှန်ပေးသည်
သမီးဘ၀ အောင်မြင်ရန်အတွက်။

နှစ်လရှည်ကြာ သမီးဝေးကွာ
သံသယနှင့် မေးလာပါ၏
ချစ်သေးရဲ့လား မေ့ပြီလား။

မေ့ချစ်သမီးငယ် ဤကမ္ဘာမြေ၀ယ်
စကြာဝဠာသုန်း ကမ္ဘာပြုန်းလည်း
မိခင်မေတ္တာ သားတို့ပေါ်အား
ဘယ်ခါမပျက် စဉ်ဆက်လိုက်သည်
အေးမြစမ်းရေ သွင်သွင်စီးသို့ ။

(အမေ့ကို သတိရနေလို့ အရင် website တစ်ခုမှာရေးဖူးတဲ့ကဗျာလေးပြန်တင်လိုက်ပါတယ်)

အက္ခရာတစ်ကြောင်း

ငါ့ကဗျာမှ ကဗျာတဲ့

ငါ့ကာရန်နဘေနဲ့

ငါသေရွာပြန်သွားရင်တောင်

ငါ့နာမည်တစ်လုံး တွင်ရစ်

ငါ့ကဗျာတစ်ပုဒ် ကျန်ရစ်စေရမယ်တဲ့ ။

ငါ့ကဗျာမှ ကဗျာတဲ့

ငါရေးတဲ့ ကဗျာတစ်ပုဒ်

ငါ့ခန္ဓာကိုယ်ပုပ်လို့ ပေါ်ရင်တောင်

ငါ့နာမည် အဟုတ်မို့ ကျော်ဇောနေရမယ့်

ငါ့ရဲ့ မော်ဒန်ခေတ်သစ်ကဗျာတစ်ပုဒ်တဲ့ ။

ကဲ ..........

ငါစွဲတွေနဲ့ အထာကျဲနေတဲ့

ဗလာမဲ ကဗျာရဲတွေကို

အသာချဲလို့ ကြေငြာရဲလိုက်တာက

စိတ်ကိုငြိ Heart ကိုထိရင်

အက္ခရာတစ်ကြောင်းလည်း

ရင်ကို ဗြောင်းဆန်စေမယ့်

ကဗျာရည်ကောင်းတစ်ပုဒ်ဆိုတာကိုပဲ ။

ပုစ္ဆာ

ကမ်းခြေမှာ
လှမ်းနေလည်း
အလွမ်းတစ္ဆေကြောင့်
အပန်းမပြေနိုင်တာ ခက်တယ်..

ညအမှောင်မှာ
ထကြောင်လို့
ယောင်ပြီးခေါ်မိတာက
'မောင်'ဖြစ်နေတာ ခက်တယ်..

အသေတွက်တောင်

အဖြေမထွက်တဲ့ ပုစ္ဆာကို

ကျေနပ်လို့ ကဗျာစပ်နေတာ
ပေကပ်ကပ် ငါဖြစ်နေလို့ ခက်တယ် ။

နှလုံးသားကို အပြုံးများနဲ့
ခုံရုံးတင် ကျုံးသွင်းလို့
အမုန်းမစွက် ရုန်းမထွက်နိုင်ခဲ့တာက
အရှူံးများနဲ့ တုံးအတဲ့
ငါသာလျှင်ဖြစ်နေခဲ့တာ ခက်..ပါ..တယ်

ထစ်ချုန်းမိုး

ချစ်သူ…
ငါနဲမင်းအကြား
ရေခဲမြစ်အလား အေးခဲမှူတွေ
အစိုင်အခဲဖွဲ့လို့ ထုထည်တက်နေခဲ့ပြီ..

ရေခဲမြစ်ရဲ့ မြစ်ဖျားခံရာက
မင်းရဲ့ မာနတွေကလား..
ငါ့ရဲ့ လျစ်လျူရှူတတ်မှူများကလား..
မင်းရဲ့ ဂရုမစိုက်မှူကြောင့်လား..
ငါ့ရဲ့ အလုပ်ရှူပ်မှူတွေကြောင့်လား ..
မေးခွန်းပေါင်းများစွာနဲ့ နောက်လှည့်အကြည့်မှာ
အမှတ်မထင် တွေ့လိုက်တဲ့အဖြေတစ်ခု
အချိန်ဆိုတဲ့ သူငယ်ချင်းငယ်ကပြောသွားလေရဲ့..

သက္ကရာဇ်တစ်ခုအပြိုမှာ
အချစ်တစ်ခု ခန်းခြောက်သွားတတ်တာ
၂၁ ရာစုရဲ့ မဆန်းတဲ့အဖြစ်တစ်ခုပါတဲ့ ။

အို….မဟုတ်ဘူး ..မဖြစ်နိုင်ဘူး...ငါမယုံဘူး…..
လက်မခံနိုင်ခြင်းများစွာနဲ့ ငါ့နှလုံးသားကောင်းကင်မှာ
အခါလွန်ထစ်ချုန်းမိုးတွေ အငြိုးနဲ့သွန်းဖြိုးလို့ ရွာနေခဲ့ရပြီပေါ့လေ..

၁၉ ဇူလိုင်

ဇူလိုင် ၁၉ ၊ တပ်လှန့်နှိုးသည်
တို့မျိုးစဉ်ဆက်တိုင်သတည်း
၁၉ ဇူလိုင်မမေ့နိုင်တည့် ။

မိုးရက်မိုးခါ ဖြစ်လေပါလည်း
ရှူသာမြင်ကွင်းနံနက်ခင်းနှင့်
ယင်းသည့်စနေ ဂြိုလ်ဆိုးမွှေခဲ့
တွင်းဝန်ရုံးဆီ ၊ ဆယ်နာရီနှင့်
စွန်းသည်ဟိုဖက် ၊ နာရီဝက်တွင်
ပြည်တွက်ရေးရာ ၊ များဝန်တာကို
ဖြာဖြာတနည်း ၊ ခေါင်းဆောင်ကြီးတို့
စုစည်းတထွေ ၊ ဆွေးနွေးနေစဉ် . . . ။

ဂျစ်ကားစိမ်းမှ ၊ ဆင်းသက်ကြပြီး
လက်မှတော်မီ ၊ စတင်းချီ လျှက်
တပ်မည်နံပါတ် ၊ ၁၂ မှတ်သည့်
စစ်တပ်ဝတ်စုံ ၊ အရေခြုံတို့
စုပြုံတက်သွား မိနစ်ခြားဝယ်. . .။
နားကွဲမတတ် ဒလစပ်လျှင်
ပစ်ခတ်ဆူညံ ၊ သေနတ်သံတို့
မိုးယံကိုဖောက် ၊ လေ၀ယ်နှောက်သည်
ထက်အောက်ဝန်းကျင် တုန်သတည်း။

ကျည်ပွင့်သံလည်း . . .
မိုးယံကိုဖွင့် ၊ လေ၀ယ်လွင့်သည်
ယမ်းပွင့် ယမ်းခိုး ဝေ သတည်း . . .။

ဗိုလ်ချုပ်အောင်ဆန်း ၊ ပြည့် ချစ်ပန်းနှင့်
ခေါင်နန်းစာဆို ဦးဘချို ပြင်
ကြည်ညိုဆပွား ၊ ဒို့အားထားသည့်
စော်ဘွားမိုင်းပွန် ၊ လူရည်ချွန်လှ
သခင်မြ နှင့် . . .
တကွတူပြိုင် ၊ မန်းဘခိုင်
ကြိုင်လှိုင်သတင်း ၊ ဦးဘ၀င်း
ပျံ့သင်းဂုဏ်ဒြပ် ၊ ဦးရာဇာတ်တို့
ပစ်ခတ်ခံရ ၊ ဆောင်ခန်းမ၀ယ်
လဲကျသေဆုံး ၊ သွေးနီဖုံးသည်
ဆုံးရှုံးခဲ့ရလေပြီတကား . . . ။

ဒီသတင်းလျှင် ၊
ချက်ချင်းပြန့်သွား ၊ ပြည်သူ့နား သို့
သိကြားမကြာ၊ ပြည်လုံးမှာလည်း
သည်းညှာပျက်ပြုန်း ၊ ကြိမ်မီးအုံးသို့
ယူကျုံးမရ ၊ မျက်ရည်ကျခဲ့
တသနှမြော အသေစောဟ
သောကလှိုက်ဖို၊ ရှိုက်ငင်ငိုမိ
ရက်ကိုလစား ၊ ချိန်တွေများသည်
ခုကား ( ) နှစ်တိုင်ခဲ့ပြီ ။

ပြည့်လွတ်လပ်ရေး ၊ အသက်ပေးကာ
စတေးခံသွား ၊ ခေါင်းဆောင်များတွက်
ဒို့ကားတဖန် ၊ ဆောင်ရွက်ရန်ကား
မိမြန်အတွက် ၊ စွမ်းသည့်ဘက်မှ
ဆထက်ကြိုးကုတ် ၊ အားမာန်ထုတ်ခါ
ဗိုလ်ချုပ်ချမှတ် ၊ လမ်းစဉ်မြတ်ကို
ကျင့်အပ်လိုက်နာ ၊ သွားရန်သာတည်း ။

ဆယ့်ကိုးဇူလိုင် မမေ့နိုင်တည့်
ဇူလိုင်ဆယ်ကိုး တပ်လှန့်နှိုးသည်
ဒို့မျိုးစဉ်ဆက် တိုင်စေသတည်း . . .။

ရေးသားသူ-ထွဏ်းနေနွယ်
(ဗိုလ်ချုပ်အောင်ဆန်းကဗျာများစာအုပ်)

ဘလော့ဂ်အကြောင်း

ဘလော့ဂ်အကြောင်းကို ဘလော့ဂ်လုပ်ပြီး လ၀က်နေမှ ထရေးတဲ့လူဆိုလို့ ကျွန်မတစ်ယောက်ပဲ ရှိမယ်ထင်ပါရဲ့..:D။ ဘလော့ဂ်အကြောင်းဆိုလို့ ထွေထွေထူးထူးတော့ မဟုတ်ပါဘူး။ အဲလိုရေးဖို့လည်း စိတ်ကူးမရှိပါဘူး။ ဒါပေမယ့် ရင်ဖွင့်ဖော်ရဲ့ လာနေကျစာဖတ်သူတစ်ဦးက ပြောလာတဲ့ အကြောင်းအရာတစ်ခုကြောင့် ဒီစာလေးရေးဖြစ်ပါတယ်။

သူပြောတာကတော့ စေတနာနဲ့ပါ ။ ကဗျာလေးတွေကို ဒီထက် ပိုပြီး အားစိုက်ရေးကြည့်ပါတဲ့ ။ ကဗျာတွေက ရိုးနေတယ်တဲ့..။ အဲလိုပြောလို့ စိတ်တော့ မကောင်းပါဘူး ။ ဒါပေမယ့် လက်ခံပါတယ်။ ဟုတ်ပါတယ် ။ ဒီဘလော့ဂ်ကိုလည်း အပျော်သဘောလေးနဲ့ မလုပ်တတ် လုပ်တတ် တည်ဆောက်ထားတာပါ။ အားနည်းချက်တွေ မပြည့်စုံတာတွေအများကြီးရှိနေမှာ အသေအချာပါပဲ ။ လိုအပ်ချက်တွေရှိရင်လည်း ကူညီထောက်ပြပေးကြပါလို့...။

စာရေးတဲ့ အပိုင်းမှာလဲ ရေးတတ်လို့မဟုတ်ဘဲ.. ၀ါသနာအရ ခံစားမှူတွေကို ရင်ဖွင့်လို့ ရရုံလေး၊ ဘ၀အမောတွေကို လှစ်ဟပြနိုင်ရုံလေး ရည်ရွယ်ပါတယ်။ ဒါကြောင့်လဲ နာမည်လေးကို ရင်ဖွင့်ဖော်လို့ပေးမိတာပါ ။ ရင်ဖွင့်ဖော်မှာ ကဗျာအများစု ရှိနေမှာဖြစ်ပြီး အားရင်အားသလို ဘလော့ဂ်ပေါ်မှာခြေရှူပ်လို့ မအားရင်လည်း လှည့်ကြည့်ဖြစ်မှာ မဟုတ်ပါဘူး..:D..(ကြိုစကားခံထားတာလေ)။ တကယ်လို့များ ရင်ဖွင့်ဖော်က စာတွေဟာ စာဖတ်သူကို အားမလို အားမရဖြစ်စေတယ်..လိုချင်တဲ့ ရသကို အပြည့်အ၀ မပေးနိုင်ခဲ့ဘူး....ပြီးတော့ စာအသစ်မှန်မှန်မတင်နိုင်ခဲ့ဘူးဆိုရင် သည်းခံခွင့်လွှတ်ပြီး အားပေးကြပါလို့ တောင်းပန်ရင်း ဒီမှာပဲ နားလိုက်ပါဦးမယ်...။ ရွှင်လန်းချမ်းမြေ့ကြပါစေရှင် ။

ကန္တာရ ခရီးသည်

၅၂၈ နှောင်ဖွဲ့သံယောဇဉ်
ခွဲခွာချိန်မှာ ငါဘယ်လိုကျောခိုင်းရမှာလဲ
ဖခင်ရဲ့ မှောင်ရီဝေရုပ်သွင်
မိခင်ရဲ့ မျက်ရည်လည်မျက်ဝန်း
နှလုံးအိမ်ကို ဓားနဲ့ မွှန်းလို့
အသည်းဆိုင်တွေ ပဲ့ကြွေခဲ့ရပြီပဲ..

အက်ကြောင်းထပ် စကားပုံတစ်ခု
ခါးသက်စွာ နားမှာပဲ့တင်ကြားမိပါရဲ့
ဘာတဲ့..
ပျော်ရာမှာမနေ တော်ရာမှာနေရဆိုလား..

တိမ်မယောင်နဲ့ နက်တဲ့ ရှေးဆိုရိုးတွေ
လွယ်မယောင်နဲ့ ခက်တဲ့ လူ့ကျင့်ဝတ်တွေ
ဘယ်သူတွေ လက်ဆော့တီထွင်လို့
လောကကြီးကို အရောင်ခြယ်ဘောင်ခတ်ခဲ့ပါလိမ့်..

ပစ္စုပ္ပန်မှာတော့ ပင်ကိုယ်အသိစိတ်
ခန္ဓာရိပ်က လွင့်ထွက်လို့
မငိုအောင်တင်း မပြိုအောင်'ဟင်း' ချရင်း
ငါချစ်ခင်တဲ့ မိသားစုလေးကို
ငါလေ ကျောခိုင်းထွက်ခဲ့ရပြန်တယ်
မဆုံးနိုင်တဲ့ ကန္တာရခရီးရှည်တစ်ခု ဆက်လျှောက်ဖို့ပေါ့လေ...

အဆုံးသတ်

သံသယကြိုးတစ်ချောင်းနဲ့
နှစ်ဖက်ပြိုင်တင်းနေတဲ့
ချစ်သူနှစ်ဦးလွန်ဆွဲပွဲမှာ
ယုံကြည်မှူနဲ့ သစ္စာက
ဘယ်ချောင်မှာများ ပုန်းရှောင်နေကြပါလိမ့်...
ကြိုးစရဲ့ တစ်ဖက်စီက
ဒဏ်ရာကိုယ်စီနဲ့ မျက်ဝန်းအစုံ
သွေးအလိမ်းလိမ်းနဲ့ အဆိပ်သင့်နှလုံးသား
ခပ်စူးစူးအောင့်နေတဲ့ ဘယ်ဘက်ရင်ခွင်
တော်လိုက်စမ်းပါ အချစ်မိုးရယ်..
မင်းမသွန်းဖြိုးလဲ ရှိပါစေတော့။
လောင်မြိုက်နေတဲ့ ငါ့အသည်းကို
ငါ့မျက်ဝန်းက မိုးရေပူတွေနဲ့
ခပ်ပေါပေါ သွန်းလောင်းချလို့
ငါ့ကမ္ဘာက ဒီလွန်ဆွဲပွဲကို
ငါကိုယ်တိုင်ပဲ နိဂုံးချုပ်ပစ်လိုက်တော့မယ်..

ချစ်သူ့တမ်းချင်း

ချစ်သူရေ...
မင်းရဲ့ခြေရာ နှင်းမှူန်တောမှာ
ရှာဖွေလို့လျှောက် တကောက်ကောက်နဲ့
ငါလေနွမ်းလျမောခဲ့ပြီ...
ပေးခဲ့ဒဏ်ရာ ဝေးရချိန်မှာ
ရင်ကိုထိုးဖောက် စိတ်ကိုနှောက်လို့
ငါရဲ့ နှလုံးသားပဲ့ကြွေပြီ...
ချစ်မိသူမှာ ရင်နာဆဲမို့
ကျောခိုင်းခဲ့စဉ် ဟိုချိန်ခါမှ
နှစ်လရက်ကြာ ယနေ့တိုင်အောင်
ငါ့ခေါင်းအုံးလေး စွတ်စိုဆဲပါ
တမ်းတမျက်ရည်တွေနဲ့လေ....